لوفيرس 75- LUVERIS 75
1.000 EGP
لوفيرس 75 حقن هرمونية فعالة تستخدم لتحفيز التبويض لدى النساء اللاتي يعانين من نقص LH، وتعطى فقط بوصفة طبية لتحقيق أفضل نتائج بأمان.
دواء لوفيرس 75 (LUVERIS 75 IU) من الأدوية المهمة جدًا في مجال علاج العقم ومشاكل الخصوبة عند السيدات. الدواء بيحتوي على المادة الفعالة LH (الهرمون اللوتيني البشري المؤتلف)، وده هرمون بيساعد على نمو ونضج البويضات بشكل طبيعي عند النساء اللي عندهم نقص في هرمونات الخصوبة.في الفترة الأخيرة ظهر إن الدواء بقى والبحث عنه زاد بشكل كبير خاصة من السيدات اللي بيعانوا من تأخر الحمل أو بيخضعوا لبرامج الحقن المجهري.
دواعي استخدام دواء لوفيرس 75:
- بيستخدم في السيدات اللي عندهم نقص في هرمون LH الطبيعي.
- بيساعد على نمو ونضج البويضات، وبالتالي بيزيد فرص الحمل.
- غالبًا بيتاخد مع دواء تاني اسمه FSH زي (فوستيمون أو جونال إف) عشان يكون في توازن بين الهرمونات.
طريقة استخدام لوفيرس 75:
- الدواء بيتاخد عن طريق الحقن تحت الجلد أو أحيانًا في العضل.
- الجرعة يحددها الطبيب حسب استجابة المبيضين.
- في العادة بيتاخد يوميًا في نفس الوقت مع متابعة بالسونار وتحاليل الدم.
الأعراض الجانبية:
دواء هرموني، من الممكن أن يسبب شوية أعراض جانبية، منها:
- صداع.
- انتفاخ بسيط في البطن.
- إحساس بثقل أو ألم في المبايض.
احمرار مكان الحقن.لكن الأعراض دي غالبًا بتكون بسيطة وبتختفي. في حالات نادرة ممكن يحصل فرط تنشيط للمبايض (OHSS)، ودي محتاجة متابعة طبية دقيقة.
نصائح مهمة عند استخدام لوفيرس 75:
- ماينفعش تبدأي العلاج من غير متابعة طبيب متخصص.
- لازم تتابعي بالسونار وتحاليل الدم عشان تتأكدي من نمو البويضات بشكل سليم.
- لو ظهر أي أعراض قوية زي ألم شديد في البطن أو تورم مفرط، لازم تبلغي دكتورك فورًا.
- التزمي بالجرعة والميعاد المحدد، ومتغيريش أي حاجة من نفسك.
- خدي بالك من التغذية الجيدة والراحة النفسية، لأن ده بيزود فرص نجاح العلاج.
الأسئلة الشائعة
هل لوفيرس يساعد على الحمل بسرعة؟
لو المريضة عندها نقص في هرمون LH، فغالبًا لوفيرس بيكون جزء مهم جدًا من خطة العلاج، وفعاليته عالية.
لكن فرص الحمل بتعتمد على عوامل تانية زي عمر الزوجة، صحة المبايض، وجود مشاكل تانية زي تكيس المبايض أو مشاكل في الحيوانات المنوية عند الزوج.
متى يبدأ مفعول لوفيرس؟
مفعول الدواء بيبان بعد عدة أيام من الاستخدام مع المتابعة بالسونار.
الطبيب هو اللي بيحدد الوقت المناسب لإعطاء الحقنة التفجيرية (hCG) بناءً على حجم البويضات.
هل ممكن استخدام لوفيرس من غير إشراف دكتور؟
إطلاقًا.
الدواء بيتاخد فقط تحت إشراف دكتور متخصص في أمراض النساء والعقم، لأن الجرعة لازم تتحدد بدقة ومتابعة دقيقة جدًا لتفادي المضاعفات.
هل في بدائل للوفيرس 75؟
آه، في بعض البدائل، لكن مش متوفرة دايمًا. أهمها الأدوية اللي فيها نفس الهرمون (LH) أو اللي بتجمع بين LH وFSH.
لكن لازم الدكتور هو اللي يحدد البديل المناسب.
إيه الفرق بين لوفيرس وأدوية زي فوستيمون أو جونال إف؟
لوفيرس: بيحتوي على LH.
جونال إف / فوستيمون: بيحتوي على FSH.
في كتير من الحالات بيتاخدوا مع بعض علشان يحصل التوازن المطلوب ويكون في تبويض جيد.
هل لوفيرس بيأثر على الوزن أو المزاج؟
بعض السيدات ممكن يحسوا بتقلبات مزاجية بسيطة أو زيادة في الوزن نتيجة احتباس السوائل.
الأعراض دي مؤقتة وبتختفي بعد انتهاء العلاج.
منتجات ذات صله
خفف ألمك بسرعة مع بنادول اكسترا الاحمر (Panadol Extra) المستورد، فعالية مضاعفة لتسكين آلام الرأس والأسنان والعضلات، اطلبه من صيدليات الدواء المصري.
ماغنسيوم ناو فودز هو مكمل غذائي يحتوي على غليسينات الماغنسيوم (Magnesium Glycinate)، وهو شكل من أشكال الماغنسيوم الذي يُمتص بشكل جيد في الجسم ويُستخدم في العديد من وظائف الجسم الحيوية.
آدم (Adam) هو مكمل غذائي متعدد الفيتامينات من إنتاج شركة ناو فودز (NOW Foods). يحتوي على مجموعة من الفيتامينات والمعادن الأساسية التي تدعم صحة الجسم بشكل عام، وقد تم تصميمه خصيصًا للرجال.